Logo Design အကြောင်း

 

Logo တစ်ခုသည် Visual Element တစ်ခုထက်များစွာပိုပါသည်။ Logo သည် အမှတ် တံဆိပ်တစ်ခု၏ မျက်နှာစာ တစ်ခုပင်ဖြစ်သည်။ မိမိ၏ Customer ဖောက်သည်များ သည် မိမိ၏ Brand နှင့်  မိမိ၏ logo နှစ်ခုတို့ကို တွဲမြင်သွားရန် အရေးကြီးပါသည်။ သပ်ရပ်လှပစွာ ဆွဲထား‌သော logo တစ်ခုသည် မိမိလုပ်ငန်း brand အမှတ်တံဆိပ်၏ တန်ဖိုး Value, Personality နှင့် Professional ဆန်မှုကို ဖော်ပြသည်။ ပြိုင်ဘက်လုပ်ငန်းများနှင့် ကွဲထွက်ပြီး ခွဲခြားမှတ်မိအောင် လုပ်နိုင်သည့် တန်ဖိုးလည်းရှိနေပါသည်။ Logo များကို အမျိုးအစားအားဖြင့် အများကြီးခွဲနိုင်သော်လည်း တွေ့ရများသည့် logo type များကတော့ အောက်ပါ အတိုင်းဖြစ်ပါသည်။

 

(၁) Wordmark (Text-Based) Logos

လုပ်ငန်းနာမည်ဖြစ်သည့် စာသားကိုပဲ typography (စာလုံးပုံစံကို Design အသစ်ဖန်တီးရသည့်) အမျိုးမျိုးဖြင့် ဖော်ပြသည့် logo အမျိုးအစားများကို Wordmark logo ဟုခေါ်ပါသည်။ Wordmark logo အမျိုးအစား ဥပမာများမှာ Coca-Cola, Google, Disney logo တို့ ဖြစ်သည်။

(၂) Lettermark (Initial-Based) Logos

လုပ်ငန်းနာမည်အရှည်၏ အစ စကားလုံးများကို ယူပြီး Design ပြုလုပ်သည့် logo အမျိုးအစားဖြစ်သည်။ ဥပမာ Volkswagen ကားများ၏ logo သည် VW ဖြစ်သည်။ International Business Machine company ၏ logo သည် IBM ဖြစ်သည်။ HBO, CNN အစရှိသော logo များသည် Lettermark logo အမျိုးအစားများ ဖြစ်ပါသည်။

(၃) Icon (Symbol-Based) Logos

Abstract သို့မဟုတ် literal ရေးဆွဲထားသည့် Symbol or icon ကို အသုံးပြုပြီးဖော်ပြသည့် logo အမျိုးအစားများကို Icon/Symbol base logo များဟုခေါ်ပါသည်။ ဥပမာ Apple logo သည် ပန်းသီး တစ်ခြမ်းကိုက် symbol ကို အသုံးပြုထားသည်။ Apple, Twitter, Nike logo များဖြစ်သည်။

(၄) Combination Logos

စာသားနှင့် Icon element နှစ်ခုပေါင်းစပ်ထားသည့် logo အမျိုးအစား ကို Combination logo များဟုခေါ်ပါသည်။ ဥပမာ Adidas, Starbucks, Burger King တို့သည် Combination logo များ ဖြစ်ပါသည်။

(၅) Emblem logos

စာသား၊ Symbol, Icon တို့ကို ရင်ထိုးတံဆိပ်ပုံ တံဆိပ်ပြား badge ပုံစံ ဖန်တီးထားသည့် logo အမျိုးအစားကို Emblem logos ဟုခေါ်ပါသည်။ အစိုးရ၊ အဖွဲ့အစည်း၊ ကျောင်းများ အသုံးပြုလေ့ရှိသည့် logo အမျိုးအစားများ ဖြစ်ပါသည်။ ဥပမာ Harvard University, Harley-Davidson, Starbucks, NFL teams စသည်တို့၏ logo များဖြစ်သည်။

(၆) Mascot Logos

လုပ်ငန်းနှင့် သက်ဆိုင်ပြီး လုပ်ငန်းကိုဖော်ပြနေသည့် လူ Character သို့မဟုတ် mascot ထည့်သွင်းရေးဆွဲသည့် logo အမျိုးအစားဖြစ်သည်။ ဥပမာ KFC (Colonel Sanders), Michelin (Michelin Man), Wendy's.

ထိုသို့ Logo အမျိုးအစားများ များစွာရှိပြီး Logo ရေးဆွဲရာတွင် Vector Software သုံးပြီး ရေးဆွဲရသည်။ သို့မှသာ Size ဘယ်လောက် ချဲ့ချဲ့ Logo quality အမြဲ 100% ရှင်းလင်း ပြတ်သားနေမည် ဖြစ်ပါသည်။ အများအားဖြင့် Adobe Illustrator ဖြင့် logo များကို ရေးဆွဲလေ့ရှိပါသည်။

 

Founder

YangonBits Digital Marketing Company